أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

[size=24]الموظف والسمان[/size]

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 [size=24]الموظف والسمان[/size] في الأحد أكتوبر 18, 2009 2:17 pm

esammn

avatar
عضو ذهبي
عضو ذهبي
>
> هاد مرة موظف وقف عند السمان يلي بيحارتو
> واشترى شوية غراض ولما طلب من السمان أنو
> يسجلهن عليه بالدين رفض السمان
>
> وقلو ما بتعامل انا إلا بالكاش موني
>
> فقلو الموظف متعجب : بدك كاش؟؟
> قلو السمان أي ليش لأ؟
>
> فجاوبو الموظف
> الكاش غير متوفر بالأسواق المحلية
> لأنه تجمع بأيدي شلة من الحرمية
> والحرمية صارو كتار
>
> والكترة غلبت الشجاعة
>
> والشجاعة كنز لا يفنى
> والكنز موجود بالمغارة
> ما بتفتح إلا لعلي بابا والأربعين حرامي
> والأربعين حرامي صارو ملايين
> والملايين عم تندفع لضعاف النفوس رشوة
>
> والرشوة صارت حق
> والحق يا حسرتي ضاع
>
> والأكل ما عاد منو غذاء
> والغذاء مقابل النفط
> والنفط جاب البلا على روسنا
> وروسنا تمرمطت بالأرض
>
> والأرض مقابل السلام
> والسلام صار استسلام
> والاستسلام ضيّع الكرامة
> والكرامة ربح على الوحدة
> والوحدة صارت حلم
>
> والحلم سيد الأخلاق
> والأخلاق تحولت لنفاق
>
> والنفاق جمع نفق
>
> والنفق لازم يتكمّل
> ولحتى يتكمّل بدو متعهد بناء صالح
> وصالح ما عاد بهالأيام
> وبهالأيام صارت المفاهيم مقلوبة
> والمقلوبة بدها بيتنجان ولحمة
>
> واللحمة ماعادت تفوت لبيت الفقرا ولو نطحو
> الحيطان
> والحيطان صار ألها أدان
> والأدان معبية البلد
> وهالبلد صار في أكل هوا
> والهوا صار في تلوث
>
> والتلوث عشعش بالنفوس، والسجل المدني
> والقضاء
> وللقضاء على القضاء صار بدو قضاء وقدر
> والقدر علينا مكتوب
>
> والمكتوب ما في منو هريبة
> والهريبة تلتين المرجلة
>
> والمرجلة ما عادت لكل واحد
> وكل واحد ألو ساعة
> والساعة أتية لا ريب فيها
> يوم يأخذ كل ذي حق حقه اللي شفط منه في
> الدنيا
> وعلى الدنيا السلام مشان الحصول على
> الأختام
> والأختام عند المدام
> والمدام كانت شامية وهلأ صارت روسية شقرا
>
> والشقرا بتهز الأرض
> والأرض بتتكلم عربي
> والعربي ماحدا بيقدر عليه غير الله
> والله اذا منضل على هالحالة لتسحبنا
> الكلاب
>
> والكلاب أحسن من البني آدم
> وآدم علق علقة مسخمة مع حوا
> وحوا ما بتعرف غير كلمة بدي
>
> وبدي ألعن أبو هالحالة
> بطلت اشتري

2 رد: [size=24]الموظف والسمان[/size] في الأحد أكتوبر 18, 2009 5:38 pm

امل

avatar
عضو ذهبي
عضو ذهبي
هههههههه
انا لو محل السمان
بقلو خدون على حسابي ولا تسمعني صوتك ولا تورجيني وشك
بس والله معو حق في اشياء بتمثل واقعنا
وبالاخر بطل يشتري كمان
هههههههههههههههههههه
يسلمووو اخ عصام

3 رد: [size=24]الموظف والسمان[/size] في الإثنين أكتوبر 19, 2009 2:33 pm

esammn

avatar
عضو ذهبي
عضو ذهبي
شو بدنا نساوي هي حال الموظف في جميع البلدان العربية
بسبب الرواتب العالية والاسعار الرخيصة
اي والله لو بدهم يعطو الموظف 100 الف ماراح تكفيه لانو راح تزيد الاسعار مية دبل
والله يعينو الموظف شو بدو يتحمل تايتحمل
شكرا لكي امل على المرور

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى